Sámedikki profileren ja čalmmustahttin njuolggadusaid mielde galget giellahálddašansuohkanat čalmmustahttit sámegiela nu guhkás go vejolaš. Suohkan lea de mearridan galbet buot suohkana huksehusaid sámegillii. Dan ektui sádde Loabága suohkan gulaskuddanreivve nammaevttohusaiguin servviide ja joavkkuid.
Njuolggadusat – Profileren ja čalmmustahttin.
Sámelága § 1 -5 mielde sámegiella ja dárogiella leat ovttaárvosaš gielat, ja dat galget leat dássálagaid 3.kapihttala mearrádusaid mielde. Dát galgá čalmmustahttot nu guhkás go vejolaš gieldda buot doaimmain.
- Suohkana buot viesut ja kantuvrrat galget galbejuvvot sámegillii.
- Sámegiella galgá čalmmustahttot vuordinlanjas, oktasaš/almmolaš lanjain, čoahkkinlanjain ja vuostáiváldimis.
Sámepolitihkkalasá lávdegoddi, SPL, nammaevttohusat leat:
Lavangen skole - Loabák skuvla
Lauvhallen - Lauvhallen valáštallanguovddáš
Servicebygget - Bálvalusdállu
Ornessenteret - Ornesguovddáš
Helsesenteret - Dearvašvuođa guovddáš
Lavangsheimen - Lavangsheimen boarrásiid siida
Lauvmakken barnehage - Lauvmakken mánáidgárdi
Gulaskuddancealkámuša sáhtát sáddet Loabága suohkana šleađgapostii post@lavangen.kommune.no dahje poasta mielde Loabága suohkan, Nesveien 7, 9357 Tennevoll, ovdal 05.10.18.
